Основните принципи за третман на дијабетесот се следниве:
- Инсулинска терапија – се однесува на замена на потребниот инсулин кој не се излачува од панкреасот со инсулин од надвор. Најчесто инсулинот се дава со инјекција под кожата.
- Исхрана – здрав начин на исхрана со правилно внесување на јаглехидрати.
- Физичка активност – активен дел од секојдневието. Потребно е да се разбере влијанието на физичката активност врз дијабетесот и шеќерот во крвта.
- Едукација – потребно е време да се научат основните принципи за дијабетесот и за постигнување на добра контрола.
ТРЕТМАН НА ДИЈАБЕТЕСОТ
Третманот на дијабетесот е рамнотежа, односно баланс меѓу многу фактори кои го намалуваат шеќерот во крвта (како инсулин и физичка активност) и оние кои го зголемуваат (како храна и некои од стресните хормони). Третманот на дијабетесот претставува разбирање на влијанието на овие фактори и што сè треба да се преземе индивидуално во одредени ситуации.
(текстот е превземен од Сé што треба да знаете за тип 1 дијабетес; стр.33; автор Горан Петровски; Октомври 2009, Скопје)
