Третманот на хипергликемија ја редуцира инциденцата за микроваскуларни компликации и симптоми. Кај тип 2 дијабетес симптомите на хипергликемија вообичаено бавно се развиваат и пациентот може да не е свесен за нив (замор, потреба за
дремење, депресија, слабост). Овие симптоми може да постојат заедно со класичните симптоми (ненамерно губење тежина, често мокрење, жед). Дијагнозата на
тип 2 дијабетес често е одложена поради оскудноста на симптоми. Губењето тежина, заморот и депресијата ги намалуваат мотивацијата и способноста на пациентот
да ја прими едукацијата за начин на живот и затоа терапијата со лекови секогаш
треба да се препише во случаи на тешка хипергликемија. Терапијата со лекови не
смее да ја замени едукацијата за начин на живот и таа може да биде прекината ако
се покаже дека едукацијата е успешна.
Принципи на третирање хипергликемија
HbA1c 6–8% за време на дијагнозата
Едукација за начин на живот 6 месеци, ако ова не е успешно, препиши еден
орален антидијабетик (метформин или сулфонилуреа или глитазоне или
глиниде).
HbA1c 8–10% за време на дијагнозата
Едукација за начин на живот и еден орален антидијабетик (метформин или
сулфонилуреа или глитазони или глиниде).
Ако целната вредност од 6–8% не е постигната за 6 месеци (крвен шеќер на
гладно < 6.7 mmol/L), препиши друг антидијабетик.
HbA1c 10–12% за време на дијагнозата
Едукација за начин на живот и два орални антидијабетици (метформин и
сулфонилуреа).
HbA1c > 12% за време на дијагнозата
Едукација за начин на живот и два орални антидијабетици (метформин и сулфонилуреа) и еднаш дневно (пред спиење) инсулин.
Забележи дека еднаш препишан инсулински третман не е неопходно постојан, тој
може да биде прекинат, како и оралните лекови, ако едукацијата за начин на живот
се покаже успешна
Извор https://fzo.org.mk/WBStorage/Files/Endokrinologija.pdf
Слика https://medlineplus.gov/diabetes.html
