1 Железо и Витамин Ц
Железото може да биде во не-хем форма во производи од растително потекло и хем форма од животинско потекло.Не-хем формата на железо, главно застапена кај растителните намирници потешко се апсорбира од хем формата. За подобра апсорбција потребно е да се комбинира со витамин Ц.
Извор на не- хем железо:темно зелени лиснати зеленчуци:Спанаќ; Брокула;Кељ и сл;Полнозрнести житарки; Мешунки: грав, наут, леќа;Суво овошје: суво грозје, суви кајсии и сл
Извор на витамин Ц: цитрусно овошје; Јагоди;Пиперки; Бобести овошја
Пример ако имате за ручек легуминози испијте една чаша лимонада.
Од наутот направете хумус и додадете лимон
Брокулата зачинете ја со сос од маслиново масло и сок од лимон
2. Куркума и црн пипер
Куркуминот е соединение во куркумата кое има лековити ефекти. Нејзините моќни антиинфламаторни и силни антиоксидантни својства се зајакнати со оваа комбинација.
- Витамин Д и калциум
Витамин Д подобро се апсорбира во комбинација со калциум.
Овие витамини и минерали помагаат да се изградат коските, во борба против автоимуните болести, инфекции, па дури и помагаат во спречувањето на депресијата.Калциумот го има во изобилство во тофу, бриселска зелка, зеленчук, карфиол, брокула, портокали, јагоди.Извор на витамин Д: масна риба,јајца, печурки и др.
Пример направете ручек од брокула и печурки!
4.Зелен чај и цитрус
Зелениот чај со сок од цитрус ја зголемува количината на катехините достапни за телото да ги апсорбира. Додадете лимон во зелениот чај!
Катехините се природни антиоксиданси кои ги штитат нашите клетки од оштетување, а со тоа и од многу хронични болести.
Зелениот чај има помалку кофеин од кафето, но има и аминокиселина наречена Л-теанин, која, кога се комбинира, ги подобрува перформансите на мозокот..
5.Витаминот Б6 и Магнезиумот
Витамин Б6 и магнезиумот ја поддржуваат правилната мускулна функција, нервниот систем и менталните функции. Магнезиумот треба да му помогне на телото да го апсорбира витаминот Б6 и да ги намали сите несакани ефекти. Од друга страна, витаминот Б6 ја зголемува апсорпцијата на магнезиум до 40%
Храна богата со Б6 : Семки од сончоглед; Пченични никулци; Ф’стаци; Риба туна;Говедски црн дроб;Бело пилешко или мисиркино месо;Свинско месо;Суви сливи;Телешко месо;Наут;Банани;Авокадо;Спанаќ
Храна богата со магнезиум: Цело зрно пченица;лиснат зелен зеленчук( Спанаќ); Киноа; Бадеми и кикиритки; Црн грав; Боранија; Авокадо и др.
Пример искомбинирајте лосос со зелена салата!
6. Калциум, Витамин К2 И Д3
За подобра ресорпција и искористување на Калциумот во организмот особено се важни два витамина : витамин К2 и витамин D3, кои се повеќе се среќаваат во комбинација токму за превенција на остеопороза.
Витаминот К е витамин растворлив во масти кој постои во две форми. К1 е филокинон кој се наоѓа во зелен лиснат зеленчук, К2 е менакинон кој се наоѓа во некои животински производи. Може да биде произведен и од бактерии кои живеат во човечкото тело
Пример искомбинирајте јадење од горенаведените слики!
7. Домати и маслиново масло
Во секој домат, ќе најдете ликопен, неверојатен антиоксиданс за борба против болести.Ликопенот подобро се апсорбира доколку се комбинира со маслиново масло.
KОЈА КОМБИНАЦИЈА ТРЕБА ДА СЕ ИЗБЕГНЕ
Железо и калциум
Доколку треба да го зголемите нивото на железо во крвта тогаш треба да избегнете производи или додаток од калциум. Ова е бидејќи калциумот ја инхибира функцијата на железо.
Но наместо да изоставите зимање на калциум треба само да ги зимате во различно време
Цинк и бакар
Цинк и бакар се неопходни минерали во трагови кои придонесуваат за витални физиолошки процеси, вклучително и имунолошки функции на телото.
НО земањето високи дози на цинка врши антагонистички ефект врз бакарот, што ефикасно ја инхибира неговата апсорпција, што доведува до недостаток на бакар, оксидативен стрес, имунолошка дисфункција и воспаление.
Најдобро е овие два минерала да се земат посебно.Но бидејќи воглавно се продаваат во комбинација тогаш внимавајте дозата на цинк да не биде повисока од 40 мг на ден (освен ако не ви е препорачано од медицинско лице),
Витамин А и Витамин Д
Интересно, витаминот А, исто така, се чини дека прави разлика во интеракција помеѓу различни извори на витамин Д. Поточно, една студија покажа дека витаминот А негативно влијаеше на употребата на диетален витамин Д3, но не и витамин Д од сонцето.Точните механизми преку кои витамин А ја инхибира апсорпцијата на витамин Д остануваат нејасни и бара понатамошно испитување. Сеедно, лица со потенцијални недостатоци на витамин Д (постари возрасни лица, лица со ограничено изложување на сонце, лица со потемна пигментација на кожата, итн.) Треба да внимаваат на нивната потрошувачка на витамин А и да земаат додатоци на витамин А и Д (доколку е индицирано) барем со неколку часови разлика.
Везире Старова
