Сопругата на претседателот, Елизабета Ѓоргиевска присуствуваше и се обрати на настан по повод одбележувањето на 14 Ноември – Светски ден на дијабетесот што се одржа во Мултимедијалниот центар „Мала станица“ во Скопје.
Настанот што се одржа под глобалното мото „Едукација за заштита на иднината“ е во организација на Асоцијацијата за детски дијабетес на Македонија – БАЛАНС МК и има за цел да пренесе порака насочена кон интензивирање и сеопфатност на едукацијата и информираноста во поглед на дијабетесот.
Во рамки на настанот беше реализирана детска креативна работилница, на којашто децата заедно со двајца тренери психолози по Гешталт Арт терапија користејќи разни техники изработија голем постер со кој ја пренесоа пораката за потребата и пристапот до едукација за ова заболување.
На настанот беше промовиран и едукативно-информативниот портал „Инсулинска порта“.
Извор https://www.facebook.com/insulinskaporta.mk/photos/pcb.8774840499223130/2728237223977847
